صفحة المجد

- الأحد, 12 فبراير 2012

جميع راحات انتبه واسمع الآن
ومن بعدها ماباقي الا تهيا
ضابط وامثل كل ضباط الاركان
وقفت امثلهم وفيني أكفيا
ياهاجس ابيات الشعر موقفك حان
القايد الاعلى هنا لا تريا
سلام يا رمز البلد عالي الشان
ساس الوفا سمح النبا والمحيا
المجد قدم لك تحيه وعرفان
والطيب وقف لك ورحب وحيا
حطيت لك في صفحة المجد عنوان
وكتبت ياشعبي الى المجد هيا
وعلمتنا وش قدرنا بين الاوطان
وعلمتنا فرق الثرا والثريا
ياعزنا يافخرنا طول الازمان
انت الذرى اللي في ذراك انتفيا
وللحرب جيش وللبطولات فرسان
ولسلم سلم وللحميا حميا
دونك نبيع الروح لو مالها اثمان
على النقا والصدق مابه اخفيا
ولاتوصي في خليفه وسلمان
ترا غلاهم فالحنايا اهنيا
وحنا جنودك لاكتسى الجو دخان
ولاهوب منا اللي لاجا الامر عيا
ابشر بنا لاجات روغات الاذهان
نارد على الموت المصفى كذيا